![Tërmet i fortë në Greqi](/uploads/kosova-sot/images/2024/July/27/200x200_IMG_57691722035783.jpeg)
Këto janë kompanitë e Ismet Asllanit, biznesmenit të arrestuar në rastin 'Brezovica'
![Këto janë kompanitë e Ismet Asllanit, biznesmenit të arrestuar në rastin 'Brezovica'](/uploads/kosova-sot/images/2022/January/07/auto_auto_Untitled16415045241641566950.jpg)
Policia dhe Prokuroria e kanë vazhduar dje aksionin e njohur me emrin “Brezovica” në Prishtinë, Ferizaj, Shtërpcë, me ç’rast janë arrestuar shtatë persona.
Në mesin e këtyre të arrestuarve është edhe biznesmeni i njohur nga Ferizaj, Ismet Asllani. Ai dyshohet për dhënie të ryshfetit.
Asllani bashkë me familjarët e tij, është pronar i dy kompanive. Njëra prej tyre është “Kashtanjeva Dekor SHPK”, që merret me prodhimin dhe montimin e produkteve nga druri. Sipas ARBK-së ky biznes kap vlerën e 75 mijë eurove.
Emri i Ismet Asllanit si pronar figuron edhe në një biznes tjetër të regjistruar në ARBK. Bëhet fjalë për kompaninë “Lirimi SHPK”. Kjo kompani, sipas përshkrimit, merret me prodhimin e betonit të përzier, të gatshëm për përdorim, ndërkaq si aktivitet dytësor ka edhe tregtinë me shumicë jo të specializuar.
Sot Kryeprokurori i Prokurorisë Themelore në Ferizaj, Shukri Jashari, në një konferencë për media bëri të ditur se investitori i një lagjeje në Brezovicë, që siç mëson media është Ismet Asllani, dyshohet se ka kryer veprën penale “ushtrim i ndikimit dhe dhënie e ryshfetit”.
(Kosova Sot Online)