Escobar do të vizitojë Kosovën dhe Serbinë

I dërguari i veçantë i SHBA-së për Evropën Perëndimore, Gabriel Escobar, bashkë me të dërguarin e veçantë për dialogun Kosovë-Serbi nga BE-ja, Mirsolav Lajçak, do të vizitojnë Kosovën dhe Serbinë nga data 30 janar deri më 4 shkurt.

Vizita do të jetë tentim që të bindin liderët e dy shteteve për rikthim në dialog. Kështu ka bërë të ditur nëpërmjet llogarisë zyrtare në ‘Twitter’ Departamenti Amerikan i Shtetit për Evropë dhe Euroazi.

Kësaj nisme iu është bashkëngjitur edhe ambasadori amerikan në Kosovë, Jeff Hovenier, duke thënë se Kosova zë vend meritor si lider botëror.

“Ekipi im dhe unë mezi presim të takojmë Përfaqësuesin Special Escobar në Kosovë javën e ardhshme. Progresi në Dialogun e lehtësuar nga BE-ja mbetet mënyra më e mirë për të siguruar që liderët e Kosovës mund të japin rezultate për qytetarët dhe që Kosova të njihet dhe zë vendin e merituar si lider botëror”, deklaron ai në ‘Twitter’.

Lidhur me këtë vizitë, konfirmim është marrë edhe nga shefi i diplomacisë së BE-së, Josep Borrell, përgjatë një takimit që ky i fundit pati me kryeministern serbe, Ana Bërnabiq.

Kosova dhe Serbia ende nuk kanë caktuar ndonjë datë për rikthim në dialog.

(Kosova Sot Online)