Detaje/ Tre viktima, vetura u përplas me 'Ford-in'
Policia ka konfirmuar tashmë se brenda makinës që ra mëngjesin e sotëm në Shkumbin ndodheshin gjashtë persona.
Fatmirësisht, tre prej tyre u nxorrën të gjallë prej saj ndërsa është konfirmuar se tre të tjerë ndërruan jetë pasi u bllokuan në makinë.
Policia ndërhyri për të nxjerrë makinën nga lumi me eskavator dhe në atë moment njërin prej trupave të pajetë e mori rrjedha e ujit, ndërsa dy të tjerët u gjetën të vdekur brenda makinës.
Gjithçka ndodhi pasi makina që ra në lum u përplas me një tjetër automjet tip “Ford”.
Policia është duke kërkuar shkaqet e aksidentit që çoi në këtë tragjedi, ndërsa paraprakisht dyshohet lagështira dhe një parakalim i gabuar.
(Kosova Sot Online)
