Inspektorët e Tregut me aksion ndaj furrave të bukës
Inspektorati i Tregut në kuadër të Ministrisë së Industrisë, Ndërmarrësisë dhe Tregtisë (MINT), ka ndërmarrë sot inspektime për peshën e bukës, në disa furra në qytete të ndryshme të Kosovës.
Sipas njoftimit, gjatë inspektimeve është hasur në parregullsi sa i përket peshës së bukës.
Gjithashtu, verifikime janë bërë për mashtrime lidhur me peshën e bukës dhe në disa produkte ka munguar vendosja e deklaracionit dhe ministria thotë se në secilin rast janë marrë masa ndëshkuese.
Sipas Ministrisë, janë shqiptuar gjithsej katër gjoba nga Inspektorati i Tregut.
“Inspektimet do të vazhdojnë dhe nëse konstatohen parregullsi do të ketë masa ndëshkuese konform ligjeve në fuqi”, ka thënë Ministria.
(Kosova Sot Online)
