BSPK merr vendimin: Me 8 prill do të protestohet
Bashkimi i Sindikatave të Pavarura të Kosovës (BSPK), ka njoftuar se nën kryesimin e kryetarit, Atdhe Hykolli kanë mbajtur takimin konsultativ të anëtare të saj, ku njëzeri janë pajtuar se me 8 prill do të mbahet protesta e Federatave dhe shoqatave sindikale.
"Përfaqësuesit më të lartë të Federatave Sindikale njëzëri u pajtuan që më 8 prillit 2022 të mbahet protesta e Federatave dhe Shoqatave Sindikale.
Në Takim u caktua këshilli organizativ i cili do të përkujdeset për zhvillimin e qetë të Protestës e cila do të nisë me marshin prej Bibliotekës Kombëtare e deri te Sheshi “Skënderbe” ku para ndërtesës së Qeverisë, Partnerit Social do t’i parashtrohen publikisht kërkesat e arsyeshme të Bashkimit të Sindikatave të Pavarura të Kosovës:
1.100€ nga buxheti i shtetit për të gjithë të punësuarit në sektorin publik përfshirë edhe punëtorët e Ndërmarrjeve Publike - deri në përmbushjen e kërkesave të mëposhtme
2.Përcaktimi i Pagës Minimale
3.Miratimi i Ligjit për Zyrtarët Publikë
4.Miratimi i Ligjit për Paga
5.Nisja e zbatimit të Ligjit për Sigurimet Shëndetësore.
6.Nënshkrimi i marrëveshjes kolektive gjithëpërfshirëse
7.Amendamentimi-ndryshimi i Ligjit për Skemat Pensionale të Financuara nga Shteti.
8.Hartimi dhe nënshkrimi i Marrëveshjes kolektive gjithëpërfshirëse", theksohet mes tjerash në njoftimin e BSPK-së.
(Kosova Sot Online)
