Arrestohen dy të rinj në Mitrovicë

Policia e Kosovës ka arrestuar dy të rinj në Mitrovicë, të dyshuar për tri vepra penale.

Sipas policisë ata dyshohen për veprat penale ‘’Lëndim i lehtë trupor”, “Armëmbajtje pa leje “dhe ”Dëmtim i pasurisë’’.

Të arrestuarit janë A.Th., 24 vjeçar dhe E.Th., po ashtu 24 vjeçar.

Ata janë ndaluar për 48 orë.

Njoftimi i plotë:

Arrestohen dy persona të dyshuar për veprat  penale ‘’Lëndim i lehtë trupor”, “Armëmbajtje pa leje “dhe ”Dëmtim i pasurisë’’

Mitrovicë,  14 prill 2022

Si rezultat i hetimeve të zhvilluara, hetuesit e Stacionit Policor në Mitrovicën e Jugut, në  mbështetje të Njësisë për Reagim të Shpejtë, kanë  arrestuar dy persona të  dyshuar për veprat penale “ Armëmbajtje pa leje”, “Lëndim i lehtë trupor” dhe “ Dëmtim i pasurisë”.

  Arrestimi i dy të dyshuarve A. Th., 24 vjeçar, dhe E. Th., 24 vjeçar, të dy  shtetas të Republikës së Kosovës, është bërë mbi dyshime të arsyeshme dhe provave  të siguruara se me datën 4 prill 2022 në rrugën “Mbretëresha Teutë” në Mitrovicë, nën kërcënimin e armës  kanë sulmuar fizikisht viktimën m/k duke i shkaktuar lëndime trupore.  Lidhur me rastin në cilësi të provës material nga të dyshuarit është sekuestruar një armë  e gjatë pushkë automatike. 

 Pas procedurave të intervistimit, me urdhër të prokurorit, dy të dyshuarve u është caktuar masa e ndalimit për 48 orë.

(Kosova Sot Online)