Kërkohej për vjedhje të pyjeve, arrestohet një 21-vjeçar

Policia e Kosovës e ka arrestuar një 21-vjeçar në Kaçanik, pasi ishte në kërkim për veprën penale “vjedhje e pyjeve”.

Për këtë veprën ai është dënuar me dhjetë ditë burgim.

Pas kompletimit të dokumentacionit është dërguar në vuajtje të dënimit.

“Policët e stacionit në Kaçanik nga Drejtoria Rajonale e Policisë në Ferizaj, sot rreth orës 10:20 pasi kanë pranuar një informacion,  kanë arrestuar në fshatin Vatë të Kaçanikit personin e kërkuar me inicialet L.GJ (M/K), i moshës 21 vjeçar. Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’ Vjedhje e pyjeve ’’  me dënim burgimi prej dhjetë (10) ditëve.  Policia të njëjtin e ka shoqëruar në stacionin e policisë në Kaçanik dhe pas kompletimit të dokumentacionit është dërguar në vuajtje të dënimit. Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës”, thuhet në njoftim.

(Kosova Sot Online)