Kurti nga stadiumi poston në Twitter për shërbimet administrative online

A.P /
09 June 2022 - 22:14

Kryeministri i Kosovës, Albin Kurti, ka postuar në Twitter për shtrirjen e shërbimeve online të qeverisë përmes platformës E-Kosova, edhe pse ai është në stadiumin “Fadil Vokrri”.

Kurti është i pranishëm në ndeshjen Kosovë-Irlandë e Veriut në ndeshjen që po zhvillohet në kuadër të Ligës së Kombeve, ku po shihet se është mjaft i kënaqur.

Megjithatë kjo duket se nuk e ka ndaluar atë të shkruajë për lansimin e disa shërbimeve administrative online.

“Së bashku me ministrin Xhelal Svecla, ne lansuam shërbimet e reja qeveritare në internet me eKosovaplatform. Rruga jonë drejt digjitalizimit është e lidhur me synimet tona të modernizimit për administratën publike dhe synimin tonë për shërbime më të mira qytetare. Sot ishte një hap në drejtimin e duhur”, tha ai.

Together w/ minister @XSvecla, we launched new online government services on @eKosovaplatform. Our path towards digitalization is linked with our modernization goals for public administration & our aim for better citizen services. Today was a step in the right direction. pic.twitter.com/6zhPAbO65m
— Albin Kurti (@albinkurti) June 9, 2022