Vrasje në Peran të Podujevës, policia jep detaje

Një person ka vdekur në fshatin Peran të Komunës së Podujevës si pasojë e plagëve të marra nga arma e zjarrit.

Lajmin  e ka konfirmuar zëdhënësi i Policisë së Kosovës për rajonin e Prishtinës, Agron Borovci.

Ai tha se ngjarja ka ndodhur rreth orës 18:00.

“Rreth orës 18:00, është raportuar  për të shtëna  me armë zjarri në fshatin Peran të komunës së  Podujevës.  Policia ka dalë në vendin e ngjarjes dhe mbështetur  në të dhënat e para,  bëhet e ditur se një person, ka  humbur jetën si pasojë e plagëve të marra nga arma zjarrit.

Vdekja e viktimës është konstatuar nga ana e mjekëve emergjent. Policia ka iniciuar një hetim me synim  sqarimin e të gjitha rrethanave që karakterizojnë rastin”, tha Borovci.

(Kosova Sot Online)