Konferenca paraapelit për rastin Gucati dhe Haradinaj do të mbahet me 5 korrik

  • E.K /
  • 27 June 2022 - 11:37
Konferenca paraapelit për rastin Gucati dhe Haradinaj do të mbahet me 5 korrik

Konferenca e paraapelit për rastin kundër ish-krerëve të Shoqatës së Veteranëve të UÇK-së, do të mbahet më 5 korrik, ka bërë të ditur Specialja të hënën.

Hysni Gucati dhe Nasim Haradinaj më 18 maj u dënuan nga Specialja me nga katër vjet e gjysmë burgim, pasi u gjetën fajtorë për disa pika të akuzës.

Ata janë të parët që janë dënuar në shkallë të parë dhe ndër të parët që ishin arrestuar nga kjo gjykatë me seli në Hagë.

Gucati dhe Haradinaj u arrestuan më 25 shtator 2020.

Me kërkesë të mbrojtjes së Haradinajt, Dhoma e Apelit urdhëroi që të gjitha ankesat kundër aktgjykimit të shkallës së parë të parashtrohen deri më 17 qershor.

(Kosova Sot Online)