“Rusët kanë filluar të vijnë”, Finlanda diskuton ndërmarrjen e këtij hapi

Qeveria finlandeze po vihet nën presion për të mbyllur kufirin lindor të BE-së me Rusinë dhe për t’i dhënë fund një zbrazëtie të dukshme të sanksioneve.

Rusia lehtësoi kufizimet e saj kufitare të lidhura me COVID në mes të korrikut, që do të thotë për herë të parë që nga para pandemisë, rusët me viza Shengen tani mund të kalojnë ligjërisht kufirin, edhe pse atyre u ndalohet të udhëtojnë në BE me avionë.

“Rusët kanë filluar të vijnë. Turizmi i blerjeve ka qenë gjithmonë një nga arsyet kryesore pse turistët rusë vijnë në Finlandë, edhe nëse është vetëm për një ditë,” tha Juho Pesonen, profesor i biznesit të turizmit në Universitetin e Finlandës Lindore për Euronews.

Shifrat absolute tani nuk janë të mëdha: Deri më tani në korrik ka pasur rreth 176,000 kalime kufitare. Kjo është shumë më e ulët se përpara pandemisë, kur kishte afër 950,000 kalime në korrik 2019, me dhjetëra mijëra rusë që vinin çdo ditë.

Lappeenranta, qyteti kryesor në Finlandën juglindore, po grumbullonte një milion euro të ardhura ditore përpara pandemisë, falë fuqisë shpenzuese të rusëve.

Finlanda është tani vendi i fundit i BE-së në kufi me Rusinë që ende lëshon viza turistike për ruët, rreth 13,000 deri më tani këtë vit, ndërsa vende të tjera si Polonia dhe vendet baltike i kanë bllokuar.

Moska “do të reagojë shumë negativisht” nëse Helsinki ndjek shembullin e tyre dhe gjithashtu pezullon shërbimet e vizave për rusët, tha një zëdhënës i Kremlinit këtë javë.

(Kosova Sot Online)