Prishtina nënshkruan marrëveshje me Graçanicën për linjën e transportit të udhëtarëve

Nënkryetari i komunës së Prishtinës, Alban Zogaj, ka bërë të ditur se është nënshkruar një marrëveshje me komunën e Graçanicës për fillimin e një linje të udhëtarëve.

Sipas tij, kjo do të lirojë komunikacionin në Prishtinë dhe do të ndihmojë komunitetin në Graçanicë.  

“Sot, nënshkruam marrëveshjen ndërmjet Komunës së Prishtinës dhe Komunës së Graçanicës, për lëshimin e linjës së transportit të udhëtarëve”, shkroi ai.

“Kjo linjë liron komunikacionin në Prishtinë dhe ndihmon komunitetin në Graçanicë”, shtoi Zogaj.

(Kosova Sot Online)