Takimi në Kryeministri – Abott i vë theksin sigurisë energjetike, Bislimi zhvillimeve në veri
Zëvendëskryeministri Besnik Bislimi sot ishte nikoqir i ambasadorit britanik Nicholas Abott në Kryeministri, derisa shefi i tij, Albin Kurti, ka pritur atë amerikan, Jeff Hovenier.
Për këtë takim dolën me njoftim që të dy, por temave të ndryshme iu dhanë theks. Derisa Abott në postim më shumë rëndësi i kushtoi sigurisë energjetike për dimrin e ardhshëm, Bislimin duket se më shumë e shqetësoi gjendja në veri dhe vendimi i Qeverisë për targat dhe dokumentet me Serbinë.
Megjithatë, të dy e konsideruan takimin si produktiv.
“Takim konstruktiv me ambasadorin britanik Nicholas Abott. Folëm për shtyrjen 30 ditëshe të zbatimit të vendimit për targat e automjeteve dhe dokumenteve hyrëse-dalëse. I shpreha rëndësinë e gjetjes së metodave për rritjen e bashkëpunimin në Ballkanin Perëndimor dhe luftën kundër dezinformatave”.
(Kosova Sot Online)
