Turqia dhe Izraeli vendosin t’i përmirësojnë raportet

Turqia dhe Izraeli kanë rënë dakord të rivendosin marrëdhëniet e plota diplomatike dhe do të kthejnë ambasadorët në vendet e njëri-tjetrit pas një përmirësimi gradual të marrëdhënieve, thanë të dy vendet.

“Përmirësimi i marrëdhënieve do të kontribuojë në thellimin e lidhjeve midis dy popujve, zgjerimin e lidhjeve ekonomike, tregtare dhe kulturore dhe forcimin e stabilitetit rajonal,” tha një deklaratë nga zyra e kryeministrit izraelit Yair Lapid të mërkurën, pas një bisede midis Lapid dhe Presidenti turk Rexhep Taip  Erdogan.

“Emërimi i ambasadorëve ishte një nga hapat për normalizimin e lidhjeve,” tha ministri i jashtëm turk Mevlut Çavusoglu në një konferencë shtypi në Ankara. “Një hap i tillë pozitiv erdhi nga Izraeli si rezultat i këtyre përpjekjeve dhe si Turqi, ne gjithashtu vendosëm të emërojmë një ambasador në Izrael, në Tel Aviv”.

Cavusoglu shtoi se masa nuk do të thotë se Turqia do të braktiste kauzën palestineze, raporton AlJazeera

Të dy vendet dëbuan ambasadorët në vitin 2018 për vrasjen e 60 palestinezëve nga forcat izraelite gjatë protestave në kufirin e Gazës kundër hapjes së Ambasadës së Shteteve të Bashkuara në Jerusalem.

Një vizitë në Turqi nga presidenti izraelit Isaac Herzog në mars, e ndjekur nga vizitat e të dy ministrave të jashtëm, ndihmoi në përmirësimin e marrëdhënieve pas më shumë se 10 vjet tensionesh. 

(Kosova Sot Online)