Putin pret “stabilizim” të situatës pas humbjeve në Ukrainë

Presidenti rus, Vladimir Putin, tha se pret të “stabilizohet” situata në rajonet ukrainase – që ai pretendon se i ka aneksuar – pasi ushtria ruse është përballur me ngecje dhe ka humbur kontrollin e disa qyteteve kyçe në Ukrainë.

Më herët, Ukraina pretendoi fitore të reja ndaj forcave ruse në rajonin lindor të Luhanskut, teksa Kremlini u zotua se do të rimarrë territorin e humbur në kundërofensivën ruse.

Rusia ka shpallur aneksimin e rajoneve ukrainase të Luhanskut, Donjeckut, Hersonit dhe Zaporizhjës, pasi në këto rajone u mbajtën referendume të rreme.

Putin tha se të ashtuquajturat referendume kanë qenë “absolutisht transparente”.

(Kosova Sot Online)