Raketat ruse godasin konsullatën e Gjermanisë

Ndërtesa e konsullatës gjermane në Kyiv është goditur nga raketat ruse, thotë një zyrtar gjerman i Ministrisë së Jashtme.

Edhe pse ndërtesa e goditur nga rusët, i takonte shërbimit gjerman, ajo nuk po punonte prej shkurtit, kur Rusia nisi sulmet ajrore dhe hyri me forca ushtarake në Ukrainë.

Për gjashtë orë, në kryeqytetin e Ukrainës, Kyiv, janë dëgjuar alarmet për sulme ajrore, raporton The Guardian

Zyrtarët ukrainas kanë njoftuar se Kyivi është përballur me sulme në orët e para të 10 tetorit.

Rusia ka eskaluar me sulme ndaj qyteteve ukrainas, pasi presidenti rus, Vladimir Putin quajti sulmin në urën Kerch “një akt terrorist”.

Sipas të dhënave të autoriteteve ukrainase, së paku 11 veta janë vrarë dhe 64 janë lënduar nga një valë e re e sulmeve raketore të Rusisë në Ukrainë.

(Kosova Sot Online)