Befasia e Ramës nuk i pëlqen as Elvis Hoxhës

Të parët që shprehen indinjatë nga “befasia” që Kryeministri Edi Rama ia bëri Kryeministrit Albin Kurti, janë kampi i Lëvizjes Vetëvendosje në Tiranë.

Zyrtari i LV-së, Elvis Hoxha, i bëri një përshkrim të tërthortë mbylljes së syvë që Rama ia bëri Kurtit në Kongresin e Socialistëve dhe Demokratëve Evropianë në Berlin.

“Ka dy forma populizmi. Njëri t’i hap sytë, tjetri t’i mbyll sytë”, ka shkruar Hoxha.

Ndërsa kolegu i tij, Boiken Abazi, e ka bërë një analizë të prekjeve, sipas tij, të shumta, që Rama ia bën Kurtit herë pas here. Abazi thotë se këto prekje janë tendencë për kontrollim.

“Pas “përqafimit prej boksieri” dhe tërheqjes rrugës prej qafe, tani prekje edhe në stilin hapa-dollapa… Kaq shumë prekje me duar nuk ia ka bërë asnjë politikani tjetër nga Kosova. Thonë që ata që të prekin shumë e në mënyrë të tepruar, vend e pa vend, kanë dhe shumë dëshirë të të kontrollojnë. E ky, nga që s’e kontrollon dot me fjalë, duket qe e tenton fort me duar … “, ka shkruar Abazi.

(Kosova Sot Online)