Osmani: Përvoja jonë mund ta ndihmojë Ukrainën në trajtimin e të mbijetuarve të dhunës se**uale

  • S.A /
  • 17 October 2022 - 13:07
Osmani: Përvoja jonë mund ta ndihmojë Ukrainën në trajtimin e të mbijetuarve të dhunës se**uale

Presidentja e Kosovës, Vjosa Osmani, ka pritur në takim delegacionin e Rrjetit Global të Viktimave dhe të Mbijetuarve të Dhunës Seksuale të Luftës nga Ukraina e Kolumbia. Osmani, përmes një postimi në rrjetet sociale  ka thënë se përvoja e Kosovës mund ta ndihmojë Ukrainën në trajtimin e të mibjetuarve të dhunës seksuale.

“Sot prita një Delegacion të Rrjetit Global të Viktimave dhe të Mbijetuarve të Dhunës Seksuale të Luftës nga Ukraina dhe Kolumbia. Përvoja e Kosovës mund ta ndihmojë Ukrainën në trajtimin e të mbijetuarve të dhunës seksuale. Populli i Kosovës është në krah të popullit ukrainas dhe do të vazhdojë mbështetjen ndaj tij me të gjitha mundësitë”, ka shkruar.

Historia më e re e Kosovës, sipas Osmanit, bart në vete rrëfimin e trishtë të mbi 20 mijë grave të dhunuara gjatë luftës së vitit 1999 nga regjimi i Serbisë.

(Kosova Sot Online )