Inskenoi vdekjen, Gjykata e jep vendimin për biznesmenin e njohur

Gjykata ka miratuar kërkesën e prokurorisë së Pukës për arrestimin e biznesmenit italian Davide Pecorelli, i cili në 6 janar 2021 sajoi vrasjen dhe djegien e tij brenda një makine në fshatin Gjegjajn të Pukës.

Për ekzekutimin e masës “arrest në burg” të vendosur në mungesë nga autoritetet shqiptare për Pecorellin, është kërkuar ndihma e autoriteteve italiane.

Davide Pecorelli, ishte nisur nga Italia drejt Shqipërisë, më datë 3 janar 2021 nga aeroporti “Fiumicino” i Romës. Makina e Pecorellit është gjetur e djegur në datën 6 janar 2021. Që prej kësaj date, e deri në 18 shtator 2021, për 9 muaj me radhë policia dhe prokuroritë e dy shteteve Itali dhe Shqipëri, nuk kishin asnjë gjurmë të Pecorellit. Dyshimi paraprak i hetuesve, se Pecorelli mund të ishte vrarë, u krijua për shkak se në makinën e djegur u gjendën disa eshtra kockore, që pas kryerjes së analizave rezultuan se i përkisnin një qeni.

Inskenimi ishte bërë nga vetë biznesmeni pasi kishte borxhe dhe një gjobë në Itali.

(Kosova Sot Online)