Lexoni edhe:
Arrestohet një serb i dyshuar për vrasjen e Oliver Ivanoviqit
Neurokirurgu kosovar po thotë se po abuzohet me parat për ndërtimin e spitaleve të reja
Neurokirurgu, Talat Gjinolli ka ngritur kritika për ndërtimet e objekteve publike shëndetësore në Kosovë.
Përmes një postimi, Gjinolli ka thënë se ndërtimi i objekteve publike shëndetësore pa sistem shëndetësor funksional është abuzim i pastër i parasë publike.
“Planifikimi dhe ndërtimi i objekteve publike shëndetësore, pa SISTEM shëndetësor funksional, thjesht është diletantizëm, në mos “abuzim” i pastër me paranë publike. Kemi SEKTOR por JO SISTEM shëndetësor”, ka shkruar ai.
Pas kësaj deklarate, ka reaguar anëtari i Shoqatës për të Drejtat e Pacientëve, Muhamedali Kodra.
Sipas Kodrës, nuk kemi nevojë për objekte dhe spitaleve të reja shëndetësore, pasi kërkesat e tilla janë shpërqëndrimin nga reforma.
“Të gjithë e dijmë që nuk kemi nevojë për objekte dhe spitale të tjera. Edhe sponzoruesit e kësaj ideje e dinë. Kërkesat e këtilla më shumë e kanë qëllim shpërqëndrimin nga reforma (blerje kohe për zgjatjen e kësaj gjendje) se sa në fakt realizimin e kërkesave të tilla” ka komentuar ai në postimin e neurokirurgut.
(Kosova Sot Online)
