Stoltenberg: NATO po e monitoron situatën në Poloni dhe aleatët po konsultohen
Sekretari i Përgjithshëm i NATO-s, Jens Stoltenberg, ka reaguar pasi raketat ruse kanë goditur një lokacion brenda Polonisë, transmeton gazeta "Kosova Sot Online".
Stoltenberg ka theksuar se ka diskutuar me Presidentin e Polonisë, Andrzej Sebastian Duda lidhur me shpërthimet në një fshat kufitar me Poloninë.
Sekretari i NATO-së ka thënë se po monitorohet situata. Ai ka thënë se duhet të vërtetohen të gjitha faktet.
“Fola me presidentin e Polonisë, Duda, për shpërthimin në Poloni. I shpreha ngushëllimet e mia për humbjet e jetës. NATO po e monitoron situatën dhe aleatët po konsultohen nga afër. Është e rëndësishme që të gjitha faktet të vërtetohen”, ka shkruar Stoltenberg në Twitter.
(Kosova Sot Online)