A do ta bind Perëndimi Ukrainën që të negociojë me Moskën!

Përpjekjet e Perëndimit për të bindur Ukrainën që të negociojë me Moskën, pas një sërë fitoresh të mëdha ushtarake nga Kievi, janë "të çuditshme" dhe përbëjnë një kërkesë për kapitullimin e saj, ka thënë një këshilltar kyç i presidencës ukrainase, transmeton gazeta “Kosova Sot Online”.

“Kur ke iniciativën në fushën e betejës, është paksa e çuditshme të marrësh propozime të tilla si: “Nuk do të mund të bësh gjithçka me mjete ushtarake gjithsesi, duhet të negociosh”, tha këshilltari i presidentit ukrainas Volodymyr Zelenskyy, Mykhaylo Podolyak.

Kjo do të thotë se vendi "që rimerr territoret e tij, duhet të kapitullojë ndaj vendit që po humbet," shtoi ai, gjatë një interviste me AFP në zyrën e tij në ndërtesën e presidencës në Kiev.

'Shpërthime të fuqishme' tronditën zonën e uzinës në Zaporizhzhia të Ukrainës

Shefi i mbikëqyrjes atomike të OKB-së, Rafael Grossi, ka thënë se "shpërthime të fuqishme" ndodhën në centralin bërthamor të Ukrainës në Zaporizhzhia, të kontrolluar nga Rusia, mbrëmjen e djeshme dhe mëngjesin e sotëm, në atë që dukej të ishte "granatim i ri" në centralin bërthamor më të madh në Evropë.

"Lajmi... është jashtëzakonisht shqetësues. Shpërthimet ndodhën në vendin e këtij termocentrali të madh bërthamor, gjë që është krejtësisht e papranueshme," tha Grossi në një deklaratë me shkrim, duke shtuar se dëmet në ndërtesa, sisteme dhe pajisje të regjistruara deri më tani nuk ishin "kritike".

(Kosova Sot Online)