Parashikimi i motit për 5 ditët e ardhshme, ja kur pritet të bie borë në Kosovë
Ditëve në vijim, moti pritet të jetë i vranët me rreshje shiu, përcjell "Kosova Sot Online".
7.12.2022 – Për ditët e ardhshme, moti mbetet pa ndonjë ndryshim. Vransira të ndryshueshme, intervale me diell e riga lokale shiu. Ndërsa temperaturat në rritje. Ditëve të fundjavës paraqiten mundësi për më shumë të reshura, mbrëmjen e së shtunës dhe ditën e diel.
Datat:
8.12 – Kryesisht me vransira dhe intervale me diell. Vende-vende priten edhe riga shiu, më të shprehura në perëndim të vendit.
9.12 – Vransira të ndryshueshme dhe intervale me diell. Mundësi edhe për riga lokale shiu.
10.12 – Kryesisht me vransira, kohëpaskohe me riga lokale shiu. Orëve të mbrëmjes pritet intensifikim i reshjeve të shiut.
11.12 – Reshjet e shiut vazhdojnë orëve të mëngjesit. Ditën mbetet mot kryesisht me vransira, e herë herë priten reshje të dobëta shiu.
12.12 – Ftohtë e kryesisht vranët, me reshje shiu, që me rënie të temperaturës shndërrohen edhe në borë. Pritet edhe formim i shtresës së borës.
Temperaturat do të mbeten lartë mbi vlera mesatare. Minimalet madje edhe ndërmjet 5C e 9C, e maksimalet në fundjavë rriten edhe deri në 13C e 14C. Ditën e hënë më pas pësojnë rënie, maksimalet deri në 2C e 4C, e minimale në mbrëmjen e së hënës zbresin në -4C.
Era frynë e lehtë dhe mesatare kryesisht nga jugu e juglindja 3-7m/s, të dielen me hove deri në 15m/s. Ditën e hënë ndryshon drejtimin në veriore-verilindore.
Shtypja atmosferike pëson një rënie të thellë nën vlera normale deri në fundjavë.
(Kosova Sot Online)