Rada Trajkoviq lejohet të hyjë në Kosovë

Kryetarja e Lëvizjes Evropiane të Serbëve nga Kosova, Rada Trajkoviq, tha se në  vendkalimin administrativ në Merdare, policia serbe pas disa orësh ndalim dhe kontroll të plotë, e ka lejuar të hyjë në Kosovë, përcjell "Kosova Sot Online".

“Dokumentat i kam dorëzuar rregullisht dhe më kanë përjashtuar nga qarkullimi, kemi pritur rreth 10 minuta dhe më pas shkova të pyes për çfarë bëhej fjalë, duke pasur parasysh që makinat kalonin fare lirshëm pas meje… Ata thanë se po presin vendimin e Beogradit, se jam nën një lloj ndalimi apo trajtimi të veçantë, por nuk po dalin e më japin dokumente”, tha Trajkoviq për Danas.

(Kosova Sot Online)