Për një vit FSK-së iu bashkuan mbi 1 mijë ushtarë

Ministri i Mbrojtjes, Armend Mehaj,  ka thënë se në vitin 2022 janë rekrutuar 840 ushtarë të rinj, kurse gjatë këtyre muajve në total janë rekrutuar 1,230 ushtarë që është dyfishi i vitit 2020 dhe 2019, përcjell "Kosova Sot Online".

Mehaj ka shtuar se në këtë vit janë trajnuar rreth 2,047 ushtarakë jashtë vendit.

“Sa i përket ngritjes së kapaciteteve profesionale ushtarët ndjekin studime në akademitë më prestigjioze në botë si në SHBA, Gjermani, Kroaci, Mbretëri të Bashkuar, Turqi dhe më gjerë. Gjatë këtij viti janë trajnuar rreth 2,047 ushtarakë jashtë vendit. Krahas kësaj është investuar edhe ngritjen e kapaciteteve operacionale me blerjen e pajisjeve ushtarake. Gjatë vitit 2022 buxheti i investuar në këtë vit tejkalon vitin 2021 me 84%, vitin 2020 me 99% dhe vitin 2019 më 98%.Blerjet janë realizuar përmes marrëveshjeve shtet me shtet”, ka thënë Mehaj.

(Kosova Sot Online)