Autobusi bie në lumë, 3 të vdekur dhe 4 të zhdukur

Pasi një autobus pasagjerësh doli nga ura dhe përfundoi në një lumë në veriperëndim të Spanjës, të paktën tre persona kanë humbur jetën dhe katër të tjerë rezultojnë të zhdukur, transmeton gazeta “Kosova Sot Online”.

Dy të mbijetuar,  drejtuesi i mjetit dhe një pasagjer, janë të vetmit që janë nxjerrë nga lumi Lerez, ndërsa puna e ekipeve të shpëtimit është vështirësuar për shkak të shirave të dendur që përfshinë rajonin e Galicia-s.

Autobusi ishte parkuar pranë vendit të ngjarjes në momentin kur rrëshqiti nga rruga në urë dhe më pas u zhyt në ujë rreth orës 21:30 me orën lokale, të shtunën.

Sipas të dhënave paraprake, autobusi transportonte gjithsej nëntë persona, shoferin dhe tetë pasagjerë.

 “Nuk ka më trupa brenda autobusit, ndaj ne po vazhdojmë kërkimet për katër personat e zhdukur”, thanë autoritetet vendore. 

(Kosova Sot Online)