Publikohen pamjet nga heqja e barrikadave të fundit në veri

Pamjet nga operacioni për heqjen e plotë të barrikadave në veri, i  ka publikuar KFOR, transmeton gazeta "Kosova Sot Online".

“Të enjten, misioni i NATO-s, KFOR, përfundoi heqjen e disa automjeteve që po i bllokonin rrugët në Kosovën veriore, përmes vendosjes së njësive inxhinierike në zonat e “Kërrshit të Dudës” dhe Serbovcit”, thuhet në komunikatën e publikuar nga NATO-ja.

“Liria e lëvizjes është kthyer”, thuhet tutje nga KFOR.

KFOR-i ka deklaruar se qëndron i vëmendshëm dhe ka kapacitetin dhe personelin që të vazhdojë ta zbatojë mandatin e vet në baza ditore, duke kontribuar në sigurinë e Kosovës dhe stabilitetin në rajonin e Ballkanit Perëndimor.

(Kosova Sot Online)