Shkon në 64 numri i të vdekurve nga rrëzimi i aeroplanit
Pasi një aeroplan u rrëzua të dielën në Pokhara të Nepalit, të paktën 64 njerëz u vranë, transmeton gazeta “Kosova Sot Online”.
Qindra punonjës të shpëtimit po pastronin kodrën ku avioni i Yeti Airlines, me 72 persona në bord nga kryeqyteti Katmandu, u rrëzua.
Televizioni lokal tregoi punonjësit e shpëtimit rreth pjesëve të thyera të avionit. Një pjesë e tokës pranë vendit të përplasjes ishte djegur.
Një zyrtar i Policisë tregoi se po përballen me shumë vështirësi në tentim për t’i nxjerrë personat nga aeroplani i rrëzuar.
“Gjysma e aeroplanit është në shpatin e kodrës”, tha Arun Tamu, një banor lokal, i cili i tha Reuters se arriti në vendin e ngjarjes disa minuta pasi avioni u rrëzua. “Gjysma tjetër ka rënë në grykën e lumit Seti”.
(Kosova Sot Online)