Policia jep detaje pas përleshjes te 'kafet e rakisë'

Përleshjen e sotme në Prishtinë ku mbeti i therrur një person, e ka konfirmuar policia e Kosovës, transmeton gazeta “Kosova Sot Online”.

Zëdhënësja për Rajonin e Prishtinës, Flora Ahmeti ka dhënë detaje.

“Sot rreth orës  18:30, kemi marrë informatën për një  lëndim trupor të ndodhur në rrugën “2 Korriku” në Prishtinë. Bazuar në të dhënat fillestare, në këtë rast nga një mjet i mprehtë është lënduar një person.

I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti. Aktualisht në stacion policor po intervistohen tre persona të cilët dyshohet të jenë të përfshirë në rastin në fjalë”, u shpreh ajo. 

(Kosova Sot Online)