Kurti takohet me Abazoviqin, zbulohet arsyeja
Me kryeministrin në detyrë të Malit të Zi, Dritan Abazoviq, është takuar sot në Shkup, lryeministri i Kosovës, Albin Kurti, transmeton gazeta “Kosova Sot Online”.
Sipas Zyrës së Kryeministrit, në takim është diskutuar edhe për thellimin e bashkëpunimit ekonomik.
Kjo është komunikata e plotë:
Kryeministri Kurti takoi Kryeministrin në detyrë të Malit të Zi, Abazoviq
Gjatë qëndrimit në kryeqytetin e Maqedonisë së Veriut, Kryeministri i Republikës së Kosovës, Albin Kurti u takua edhe me Kryeministrin në detyrë të Malit të Zi, Dritan Abazoviq.
Në këtë takim, që u zhvillua në margjinat e Forumit Ekonomik në Shkup, kryeministri Kurti dhe kryeministri në detyrë Abazoviq, folën për projektet e përbashkëta dhe për mundësitë e thellimit të bashkëpunimit ekonomik.
Në veçanti, u diskutua për projektet infrastrukturore me interes për të dy vendet si ajo e rrugës Pejë-Rozhajë dhe rrugës Deçan-Plavë, që afrojnë edhe më shumë qytetarët dhe ekonomitë e Kosovës dhe Malit të Zi.
(Kosova Sot Online)
