22-vjeçarja nga Kosova pëson lëndime të rënda

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik.

Nuk janë të rralla as rastet kur veturat godasin këmbësorët, qoftë në vendkalime apo edhe në pjesë të tjera. Kështu ka ndodhur sot, në rrugën Gjilan – Prishtinë, ku një automjet e ka goditur një këmbësore, e cila ka pësuar lëndime të rënda.

Kështu ka bërë të ditur një sinjalizues, i cili ka thënë se bëhet fjalë për një 22-vjeçare e cila u përplas nga kamioneta dhe për pasojë përfundoi në spital.

Në vendin e ngjarjes ka dalë edhe Policia, teksa lidhur me rastin është vënë në dijeni edhe Prokurori i Shtetit.

(Kosova Sot Online)