Para Osmanit dekretohen 29 gjyqtarë të rinj

Sot 29 gjyqtarë të rinj, i ka dekretuar presidentja e Kosovës, Vjosa Osmani, transmeton gazeta “Kosova Sot Online”.

Para Presidentes, gjyqtarët e rinj u betuan se do t’i qëndrojnë besnik Kushtetutës, ligjeve në fuqi dhe do të respektojnë rregullat e etikës profesionale.

“Presidentja e Republikës së Kosovës, Vjosa Osmani, me propozim të Këshillit Gjyqësor të Kosovës ka dekretuar sot 29 gjyqtarë.

Në ceremoninë e betimit para Presidentes së Republikës, gjyqtarët e rinj janë betuar se: “do t’i qëndrojnë besnik Kushtetutës së Republikës së Kosovës, ligjeve në fuqi dhe do të respektojnë rregullat e etikës profesionale, si dhe do të kryejnë me besnikëri në mënyrë të pavarur, profesionale dhe të paanshme detyrat e tyre”.

Presidentja Osmani ka theksuar se në konsolidimin shtetëror, sistemi i drejtësisë luan një rol shumë të rëndësishëm, prandaj ne po punojmë fortë që ky sistem të jetë i pavarur, i drejtë, i paanshëm, dhe i cili siguron qasje të barabartë në drejtësi për të gjithë qytetarët e Republikës së Kosovës”.

(Kosova Sot Online)