A mund të përdorë Rusia civilë dhe gazetarë për të spiunuar vendin?

Rusia mund të rekrutojë civilë dhe të përdorë gazetarë dhe njerëz të biznesit për të spiunuar Danimarkën si një alternativë ndaj diplomatëve rusë, tha në një raport sot Shërbimi Danez i Sigurisë dhe Inteligjencës (PET), transmeton gazeta “Kosova Sot Online”.

Duke kontrolluar hyrjen në Detin Baltik, Danimarka do të luante një rol të rëndësishëm strategjik në një konflikt të mundshëm ushtarak me Rusinë si një pikë tranziti për përforcimet e NATO-s, duke e bërë anëtarin e NATO-s një fokus të veçantë për Rusinë.

Kur Danimarka, në përputhje me vendet e tjera të BE-së, dëboi 15 diplomatë rusë në prill të vitit të kaluar, ajo dëmtoi kapacitetin e Rusisë për të spiunuar në tokën daneze.

“Por nevoja e Rusisë për të marrë informacion në Danimarkë është rritur dhe për këtë Rusia po përpiqet të përdorë mënyra të tjera spiunimi në Danimarkë,” tha PET.

(Kosova Sot Online)