SHBA-Serbisë: Mos sfidoni KFOR-in, të përmbahen nga dhuna e mëtejme

Zëdhënësi i Këshillit të Sigurisë Kombëtare në ShBA, John Kirby, ka kërkuar nga Serbia që të ulë nivelin e gatishmërisë luftarake të ushtrisë, përcjell “Kosova Sot Online”.

Në një deklaratë nga Shtëpia e Bardhë, ai kërkoi gjithashtu që Serbia t’u bëjë thirrje serbëve të cilët jetojnë në Kosovë, që të përmbahen nga dhuna dhe ‘i japin fund sulmeve ndaj trupave të KFOR-it.

“Presidenti Vuçiç dhe qeveria e Serbisë duhet të ulin statusin e sigurisë së forcave të armatosura të Serbisë dhe t’i urdhërojnë serbët e Kosovës të mos e sfidojnë KFOR-in dhe të përmbahen nga dhuna e mëtejme”, theksoi Kirby.

(Kosova Sot Online)