Ferizaj: Dy qytetarë gjejnë para dhe i dorëzojnë në polici

Dy qytetarë nga Ferizaj kanë gjetur para dhe i kanë dorëzuar në polici në dy raste të ndara, përcjell “Kosova Sot Online”.

Në njoftimin e policisë thuhet se të dyja rastet kanë ndodhur dje dhe sot.

Dje, rreth orës 13:00 qytetari I.Shyti i moshës 59-vjeçar, në trotuar afër një autolarje në rrugën “Vëllezrit Gërvalla” në Ferizaj i ka gjetur një shumë të caktuar të parave dhe i ka dorëzuar në stacionin e policisë në Ferizaj.

Ndërsa sot, rreth orës 12:35 qytetari A.Sallahu i moshës 26-vjeçar nga Ferizaj, në një qendër tregtare në Ferizaj ka gjetur një shumë të caktuar të parave dhe i ka dorëzuar në stacionin e policisë në Ferizaj.

(Kosova Sot Online)