Kurti ngushëllon familjen Bekteshi nga Lipjani

Pas tragjedisë së sotme në fshatin Rufc të Lipjanit ku u gjetën të vdekur burrë e grua dhe djali i tyre, ka reaguar kryeministri i Kosovës, Albin Kurti, transmeton gazeta "Kosova Sot Online".

Kurti ka thënë se është i trishtuar nga një ngjarje e tillë tragjike. Ai ka thënë se përtej sqarimit të rrethanave, tragjedi të tilla lënë boshllëk në zemrat e secilit.

Familjes Bekteshi, Kurti i ka shprehur ngushëllime.

Reagimi i Kurtit:

 I trishtuar pamasë nga lajmi i kobshëm për vdekjen tragjike të tre antarëve të familjes Bekteshi nga fshati Rufc i Vjetër i Komunës së Lipjanit.

Përtej rrethanave që do të sqarohen nga autoritetet, tronditje të tilla lënë boshllëk në zemrat e secilit prej nesh. Sot, jemi pranë familjarëve e miqve të viktimave.

Familjes Bekteshi i shpreh ngushëllimet më të sinqerta për humbjen e madhe, sikurse edhe të gjithë qytetarëve të Komunës së Lipjanit.

(Kosova Sot Online)