Posta promovon pullën me imazhin e Arben Xhaferit
Sot mbushen njëmbëdhjetë vjet nga vdekja e ish-kryetarit të PDSH-së në Maqedoni, Arbër Xhaferi, cili ndërroi jetë në moshën 64-vjeçare, transmeton gazeta “Kosova Sot Online”.
Në përvjetorin e ndarjes nga jeta të ish-kryetarit të PDSH-së Arbën Xhaferi, Kryetari aktual i partisë, Menduh Thaçi kreu homazhe dhe vendosi kurorë me lule tek varri i të ndjerit.
“Në 11-vjetorin e ndarjes nga jeta të ish-kryetarit të PDSH-së z.Arbën Xhaferi, sot bëra homazhe dhe vendosa kurorë me lule tek varri i të ndjerit. Qoftë i përjetshëm kujtimi për ty!” ka shkruar Thaçi në rrjetet sociale.
Ndërkaq, Posta e Maqedonisë do të shënojë 11 vjetorin e ndarjes nga jeta të Arbën Xhaferit, me promovimin e pullës postare dedikuar Arbën Xhaferit.
Ngjarja promovuese mbahet sot, me fillim nga ora 20:00, në Teatrin Shqiptar në Shkup. Xhaferi vuante nga sëmundja e Parkinsonit, e cila ishte edhe arsyeja e tërheqjes së tij nga politika.
Xhaferi ishte themelues i Partisë për Prosperitet Demokratik Shqiptar, e cila më vonë ndryshoi emrin në Partia Demokratike Shqiptare, ishte deputet në disa mandate si dhe njëri nga nënshkruesit e Marrëveshjes së Ohrit.
(Kosova Sot Online)
