Nagavci: Për subvencionimin e teksteve shkollore mund të aplikoni nga nesër

Për mënyrën se si do të subvencionohen prindërit për blerjen e teksteve shkollore për fëmijët e tyre, ka njoftuar ministrja e Arsimit, Arbërie Nagavci, transmeton gazeta “Kosova Sot Online”.

Ajo informon se subvencionimi nis nga nesër dhe sipas saj paratë do të dalin në xhirollogaritë e prindërve nga fillimi i javës së ardhshme.

“Do të ndahen 80 euro për nxënësit nga klasa 1 deri në klasën e 5 për blerjen e teksteve dhe materialeve mësimore”, informon ajo.

Sipas Nagavcit, platforma e aplikimit bashkë me instruksionet do të publikohet nesër.

Ndërsa, ajo thotë se “për herë të parë për nxënësit nga klasa 6 deri në klasën e 9 të cilët tashmë i kanë të siguruara tekstet mësimore, do të ndahen 30 euro si mbështetje për materiale të tjera shkollore”.

(Kosova Sot Online)