Ja pse Italia po bëhet 'dhimbje koke' për Kinën

Kryeministrja italiane Giorgia Meloni ka thënë se marrëdhëniet e Italisë me Kinën kishin më shumë sesa Iniciativa Brez dhe Rrugë (BRI), duke shtuar se një vendim përfundimtar nëse do të largohej nga BRI nuk ishte marrë ende,  transmeton gazeta "Kosova Sot Online".

Mediat italiane raportuan më herët gjatë ditës se Italia do të largohej nga BRI dhe në vend të kësaj do të kërkonte të rivitalizonte një marrëveshje partneriteti strategjik me Kinën, që synon nxitjen e bashkëpunimit ekonomik, që ajo e nënshkroi për herë të parë në 2004.

Italia është i vetmi vend i G7 që nënshkruan BRI, një plan global të tregtisë dhe infrastrukturës i modeluar sipas Rrugës së vjetër të Mëndafshit që lidhte Kinën perandorake dhe Perëndimin.

Italia ka presidencën e G7-s vitin e ardhshëm dhe riformulimi i marrëdhënieve të saj me Pekinin do të qetësonte aleatët e saj perëndimorë, të cilët kanë frikë nga ndikimi kinez, ndërsa do të zvogëlonte rrezikun e një reagimi të ashpër nga Pekini.

(Kosova Sot Online)