Zbardhen detaje: Ky është vendi ku u vra i riu nga Kosova në Serbi

Një i ri 19-vjeçar i vrarë mbrëmë në pikën kufitare të Batrovcit, si dhe shoqëruesi i tij i arratisur me atë rast, të dy të nacionalitetit shqiptar nga Kosova, ishin, siç mësojmë jozyrtarisht, në një konflikt me një grup afganësh. Si epilog, ky konflikt ka pasur një konfrontim fizik, ku 19-vjeçari i është nënshtruar plagëve pasi u plagos me armë të ftohta, transmeton gazeta "Kosova Sot Online".

Kujtojmë se dy shqiptarë ishin duke ecur nga vendkalimi kufitar në drejtim të fshatit Batrovci kur ndodhi sulmi dhe njëri prej tyre mbeti i plagosur për vdekje. Policia në Mitrovicë ka konfirmuar se është gjetur trupi i një personi të panjohur dhe se autori është duke u kërkuar intensivisht.

Një shofer kamioni që pa burrin duke vrapuar thotë se dëgjoi një britmë dhe më pas një burrë vrapoi pranë kamionit.

Një burrë vrapoi në kufi dhe kërkoi ndihmë
- Pashë një burrë dhe një grup njerëzish që ishin në rrugën përballë kufirit, isha rreth 1.5 minuta nga kufiri kur pashë një burrë duke vrapuar, pak më pas një burrë tjetër ra mes kamionëve. Nuk isha i sigurt se çfarë po ndodhte dhe zakonisht nuk dalim nga kamioni në këtë pjesë të rrugës, veçanërisht natën, sepse ka emigrantë të fshehur në zonë. Policia ka ardhur rreth orës 22:00 - thotë shoferi i kamionit nga Bosnja.

Ende nuk dihen detaje, ndërsa siç raportojnë mediat e Ozon, këta dy të sulmuar janë nga Kosova. Ata kanë kaluar pikën kufitare “Batrovci” dhe janë nisur në këmbë në drejtim të fshatit,  transmeton gazeta "Kosova Sot Online". Njëri prej tyre ka arritur t'i shpëtojë një grupi sulmuesish, të cilët sipas informacioneve jozyrtare i kanë sulmuar ndoshta me thika.

Një burrë (35) i cili ka arritur të ndihmojë ka vrapuar drejt kufirit dhe ka kërkuar ndihmë.

Patrulla është nisur për të kontrolluar një pjesë të rrugës, ku fatkeqësisht ka gjetur një të ri (19) të cilit nuk i është dhënë më ndihmë. I riu ka marrë disa plagë me thikë në trup.

(Kosova Sot Online)