Shoferi i autobusit hapi aksidentalisht derën, 78 vjeçarja bëhet për spital në Tiranë
Një shofer i një autobusi është arrestuar sot në Tiranë, përcjell “Kosova Sot Online”.
Shkak u bë fakti se gjatë kohës që shoferi 64 vjeçar po drejtonte autobusin, dyshohet se aksidentalisht e hapi derën e për pasojë u dëmtua pasagjerja 78 vjeçare.
Gruaja është dërguar në spital dhe ndodhet nën kujdesin e mjekëve.
“Specialistët e Komisariatit të Policisë Rrugore Tiranë arrestuan Sh. H., 64 vjeç, banues në Tiranë, pasi duke drejtuar një autobus, në bulevardin “Zogu i Parë”, dyshohet se aksidentalisht ka hapur derën e autobusit dhe si pasojë është dëmtuar shtetasja Z. B., 78 vjeçe, e cila ndodhet në spital, në kujdesin e mjekëve”, tha policia në njoftim.
(Kosova Sot Online)