Kurti sot dhe nesër në Shqipëri për 28 nëntor

Kryeministri i Kosovës, Albin Kurti, për nder të 111 vjetorit të pavarësisë së Shqipërisë,do të qëndrojë sot e nesër në Shqipëri, transmeton "Kosova Sot Online".

I pyetur se a do të ketë mbledhje të përbashkët në mes të Qeverisë së Kosovës dhe asaj të Shqipërisë, Kurti ka thënë se do të ketë.

“Sigurisht se do të kemi edhe mbledhje të qeverive në të ardhmen. Ndërkaq, unë sonte do të jem në Tiranë, për shkak se teatrot tona do të japin një shfaqje përmbyllëse me regji të Ilir Bokshit dhe njëkohësisht do të japin edhe çmimet përkatëse. Ndërkaq, nesër do të jem në Vlorë, ku do të bëjmë homazhe, nderim për panumër dëshmorë e heronj të cilët sakrifikuan që të jemi të lirë e të bashkuar. Deri më tani kemi 184 marrëveshje dhe nuk ka asnjë qeveri në Kosovën e pavarur e cila ka bërë më shumë marrëveshje dhe zbatim të tyre sesa kjo e jona për rreth 2/3 e mandatit”, ka thënë ai.

Derisa kur është pyetur se nëse do të takohet ndaras me kryeministrin e Shqipërisë Edi Rama, Kurti nuk është përgjigjur.

(Kosova Sot Online)