Konkursi, Policia njofton kandidatët për testimin psikologjik dhe kontrollimit mjekësorë për zyrtar policor

Policia e Kosovës ka njoftuar kandidatët për policë të rinj se duhet të paraqiten me kohë për mbajtjen e testit psikologjik dhe kontrollit mjekësor, përcjell “Kosova Sot Online”.

PK bashkëngjiti një vegëz me orarin për testin psikologjik.

Në njoftim thuhet se vetëm kandidatët që përfundojnë me sukses testimin psikologjik do të informohen të njëjtën ditë nga zyrtari përgjegjës për datën dhe kohën e mbajtjes së kontrollimit mjekësorë.

“NJOFTIM: Faza e testimit psikologjik dhe kontrollimit mjekësorë për zyrtar policor sipas konkursit të shpallur nga data 18.04.2023 deri me datën 30.05.2023

Kandidatët nga lista e publikuar duhet të paraqiten me kohë në vendin ku është paraparë mbajtja e testit psikologjik dhe kontrollimit mjekësore.

Testi Psikologjik vazhdon sipas orarit në listën e bashkangjitur.

Kandidatët e ftuar për test psikologjik duhet të paraqiten me datën e caktuar në orar nga ora 08:00 në SHSKUK ( Shërbimin Spitalor Klinik Universitar të Kosovës, në objektin e Mjekësisë Sportive ( hyrja te Spitali Amerikan ), ndërsa për kandidatët që e kalojnë me sukses fazën e testit psikologjik, ekzaminimi mjekësor është në po të njëjtin vend, pasi që paraprakisht të kenë dhënë analizat laboratorike në Klinikën e Biokimisë (objekti i Qendrës Emergjente).

Kandidatët me vete duhet të kenë:

• Letërnjoftimin ose pasaportën valide

• Laps kimik.

Vetëm kandidatët që përfundojnë me sukses testimin psikologjik do të informohen të njëjtën ditë nga zyrtari përgjegjës për datën dhe kohën e mbajtjes së kontrollimit mjekësorë”.

(Kosova Sot Online)