Dodik shkakton incident gjatë procesit të votimit në Serbi
Kreu i Republikës Srpska, Millorad Dodik i njohur për deklaratat dhe veprimet e tij provokuese, ka shkaktuar një incident edhe gjatë momentit të votimit për zgjedhjet parlamentare të parakohshme të mbajtura në Serbi, transmeton gazeta “Kosova Sot Online”.
Ndryshe nga siç e kërkon ligji që vota duhet të jetë e fshehtë, Dodik mori fletën e votimit dhe nuk ju drejtua kabinës së votimit, por e vendosi fletën në tavolinën e komisionerëve dhe në praninë e ekipeve të shumta të gazetarëve që patën rastin edhe ta filmonin sesi votoi.
Kamerat regjistruan momentin kur ai merr fletvotimin dhe nuk futet në hapësirën e rezervuar për votim, ku edhe ka mundur ta bëjë një gjë të tillë siç edhe parashihet me ligj – votim i fshehtë.
Video e tij teksa vendos fletvotimin në tavolinë para shumë vëzhguesve dhe ekipeve të shumta të gazetarëve po bënë xhiron e rrjetit.
Predsjednik Republike Srpske Milorad Dodik, glasao je u Generalnom konzulatu Srbije. Nije ulazio na za to predviđeno glasačko mjesto, već je glasao javno pred novinarima. @DW_Srpski pic.twitter.com/4U3SHVcald
— Dragan Maksimović (@knespoljac) December 17, 2023
(Kosova Sot Online)
