Besnik Bislimi kërkon nga deputetët që t’i bëjnë presion Prokurorisë për publikim e raportin për Banjskën

Zëvendëskryeministri, Besnik Bislimi, tha kanë dërguar një raport 48 faqësh në BE, në secilin shtet anëtar të BE-së dhe secilës ambasadë në Bruksel, për rastin e sulmit terrorist të Serbisë në Banjskë, përcjell “Kosova Sot Online”.

Bislimi pati kritika edhe për prokurorinë që nuk po e publikon raportin për sulmin në Banjskë.

“Ne i kemi dërguar raport 48 faqesh për Banjskën, BE-së edhe secilit shtet anëtar, edhe secilës ambasadë në Bruksel. 48 faqe. Por raportin për me e publiku duhet me bë prokurori. Prokurori nuk është Qeveri. Ne po bëjmë presion publik që të publikohet raporti. Bëni edhe ju e ndihmona që Prokuroria ta bëjë raportin, ta nxjerrë fletarrestin për Radojçiqin dhe të gjendjen kriminelët e tjerë. Ndihmona në këtë drejtim, që Radojçiqi të mos sillet i lirë rreth veriut. Sa herë që ai sillet i lirë dhe Serbia dhe kampet ushtarake të saj, përgatit dhe trajnon të rinj nga Kosova, rreziku i sigurisë do të jetë permanent, prandaj ndihmona që edhe prokuroria të veprojë”, ka thënë Bislimi.

(Kosova Sot Online)