Prokuroria deklarohet për zjarrin në fabrikën e plastikës në Drenas

Prokuroria Themelore në Prishtinë është deklaruar në lidhje me zjarrin që shpërtheu sot në fabrikën e plastikës në Parkun e Biznesit në Drenas, transmeton gazeta “Kosova Sot Online”.

Zëdhënësja e Prokurorisë, Laureta Ulaj, tha se prokurori i shtetit e ka autorizuar policinë dhe njësitet relevante për ndërmarrjen e veprimeve hetimore për ndriçimin e rrethanave të rastit.

“Prokurori i Shtetit ka autorizuar Policinë e njësitë relevante për ndërmarrjen e veprimeve hetimore me qëllim të ndriçimit të rrethanave të këtij zjarri, si dhe do të analizojë e vlerësojë në rast se paraqiten elemente të veprës penale”, tha Ulaj.

(Kosova Sot Online)