Gjendet një person pa shenja jete në Vushtrri
Një person është gjetur pa shenja jete në rrugën “Ukshin Kovaçica” në Vushtrri, përcjell “Kosova Sot Online”.
Këtë e ka konfirmuar zëdhënësi i policisë për rajonin e Mitrovicës, Ilmi Prekazi.
“Në vendin e ngjarjes ka arritur një njësi e emergjencës, që e ka konfirmuar se personi në fjalë është pa shenja jete”, tha Prekazi.
Njësitë kompetente kanë dalë në vendin e ngjarjes dhe janë duke u marrë me hetimin e rrethanave të rastit.
(Kosova Sot Online)
