Ky vend regjistron temperaturën më përvëluese që ka parë prej 49.9 gradë Celsius
Temperaturat në kryeqytetin e Indisë janë rritur në një nivel rekord prej 49,9 gradë Celsius (ose 121.8 Fahrenheit) dhe autoritetet paralajmërojnë për mungesë uji në mega-qyteti, transmeton gazeta “Kosova Sot Online”.
Departamenti Meteorologjik i Indisë, i cili raportoi "kushte të rënda të valëve të të nxehtit", regjistroi temperaturat të martën në dy stacione periferike të Delhi në Narela dhe Mungeshpur.
Byroja e motit tha se temperaturat ishin nëntë gradë më të larta se sa pritej.
Parashikuesit e motit parashikojnë temperatura të ngjashme të mërkurën për qytetin me një popullsi të vlerësuar prej më shumë se 30 milionë njerëz, duke lëshuar një paralajmërim të kuq për njerëzit që të marrin masa.
Alarmi i kuq i Departamentit Meteorologjik të Indisë është një paralajmërim se ka një "gjasë shumë të lartë për t’u sëmurur prej nxehtësisë dhe goditje prej nxehtësisë në të gjitha moshat", me "kujdes maksimal për njerëzit vulnerabël".
Nxehtësia mbetet e lartë edhe gjatë natës, shtoi Departamenti.
Departamenti i Motit tha se vala e të nxehtit në Indinë veriperëndimore dhe qendrore "ka të ngjarë të reduktohet gradualisht" nga e enjtja.
Në maj 2022, disa pjesë të Delhit arritën temperaturën 49.2 gradë Celsius (120.5 Fahrenheit), raportuan mediat indiane në atë kohë.
India nuk është e panjohur për temperaturat e nxehta të verës.
Por vite të tëra kërkimesh shkencore kanë zbuluar se ndryshimi i klimës po bën që valët e të nxehtit të bëhen më të gjata, më të shpeshta dhe më intensive.
(Kosova Sot Online)
