KE kërkon lidhje më të ngushta me Amerikën Latine

Bashkëpunimi me vendet eksportuese të drogës do t'i mundësonte Europolit të përfitonte më shumë të dhëna për aktivitetet e paligjshme, transmeton gazeta “Kosova Sot Online”.

Komisioni Evropian do të kërkojë në mandatin e tij të ardhshëm të vendosë bashkëpunim me Brazilin, Bolivinë, Ekuadorin, Meksikën dhe Perun për hyrje më të mirë në të dhënat që lidhen me rrjetet e trafikut të drogës, tha komisionerja për punët e brendshme në një konferencë në Bruksel këtë javë.

Znj. Ylva Johansson foli gjatë një aktiviteti "BE kundër krimit" të mbajtur për të festuar 25 vjetorin e bashkëpunimit midis ekzekutivit të BE-së dhe agjencisë së zbatimit të ligjit Europol.

Ajo vuri në dukje se marrëveshje të ngjashme ishin lidhur me Australinë, Kanadanë dhe SHBA-në, dhe - së fundmi - me Kolumbinë, dhe se negociatat me shtetet e tjera të Amerikës Latine janë në vazhdim.

"Evropa është më e sigurt se katër vjet më parë, por bota është më e rrezikshme," tha Johansson gjatë ngjarjes.

Në një konferencë të përbashkët, ajo dhe drejtoresha e Europol, Catherine De Bolle, vlerësuan se rrjetet e organizuara kriminale janë gjithnjë e më të rrezikshme, ndërkombëtare dhe të fuqishme.

Europol kohët e fundit kreu një hartografi të gjerë të rrjeteve kriminale më kërcënuese. Johansson tha se "duhet një rrjet për të luftuar një rrjet", duke nënvizuar nevojën për të zhvilluar bashkëpunim ndërkombëtar.

(Kosova Sot Online)