O’Brien: Uashingtoni mbetet i përkushtuar për anëtarësimin e Ukrainës në aleancë

A.P /
12 June 2024 - 16:23

Në një intervistë të zhvilluar më 28 maj dhe të publikuar nga revista Time, Biden duket se sugjeroi se nuk e mbështet më anëtarësimin e Ukrainës në NATO, një ndryshim nga qëllimet e deklaruara më parë nga Uashingtoni dhe vetë aleanca, transmeton gazeta “Kosova Sot Online”.

Por James O’Brien, ndihmëssekretari amerikan i Shtetit për Evropën dhe Euroazinë, tha gjatë një vizite në Armeni se “interpretimet filluan të dalin” nga kuptimi i komenteve të Bidenit dhe se Uashingtoni mbetet i përkushtuar për anëtarësimin e Ukrainës në aleancë.

“Nuk ka asnjë ndryshim në qëndrimin tonë. Unë mendoj se atë që tha presidenti, nëse mund të parafrazoja, ai tha se nuk beson në anëtarësimin e Ukrainës në NATO tani,” tha O’Brien.

“Pozicioni ynë, me të vërtetë… është se Ukraina do të jetë në aleancë kur ta lejojnë kushtet”, tha ai.

(Kosova Sot Online)

lajme dieta pa karbohidrate gazetat ditore gazetat e kosoves Kosova Sot Bota Ngjarje Aktualitet perputhen Big Brother Albania Vip muzike big brother O’Brien